Azkoien

Azkoien zer bisitatu asko dago, hala erdigunean nola inguruetan. Interesgune nagusiak: alde zaharra, Erdi Aroko arkuak dituen zubia (XVII. mendean berritu zituzten). Fusilarien dorrea, San Joan Ebanjelista. Tenplu gotiko-errenazentista zaharra da, eta gaur egun XVIII. mendeko dorrea baizik ez dago ikusgai.

Sare ofizialeko behatoki guztiek zerbitzu komun zenbait dituzte, hala nola aparkaleku erreserbatuak, informazio-puntuak, komunak, jatetxe-eskaintza, ur edangarria eta mediku-zerbitzua edo anbulantzia. Gainera, segurtasuneko elementu gisa, elkarguneak eta aterpeak zehaztu dira. Halaber, behatoki bakoitzak kultur eta zientzia-dibulgazioko jarduerak eskain ditzake, hain egun seinalaturako eskaintza osatzeko. 

Peraltan, eklipserako behatokia hirigunetik aldendutako lurzati batean egonen da; berariaz hautatu da inguruko orografia saihesteko. Inguruan badira aparkaleku gaituak, bai kokagunearen ondoan, bai udalerriaren erdigunean.

Halaber, askotariko jarduerak antolatu dira udalerriko hainbat txokotan egun osorako; beraz, hainbat proposamen eskainiko dira gertaera astronomikoaren osagarri. Sarrera erosi ondoren, zurekin harremanetan jarriko gara informazio gehiago emateko.