Castejón

Castejón historia, kultura, gastronomia eta natura eskaintzen dituen helmuga da; bere kaleetan barrena ibiltzea eta ardoaren inguruko tradizioa ezagutzea esperientzia paregabea da. Bere paisaiek eta laborantzek esperientzia lasaia eta atsegina bizitzera gonbidatzen zaituzte. Naturazaleentzat aproposa den mendi-ibilaldia egiteko aukera eskaintzen du, biodibertsitateagatik nabarmentzen den natura-erreserbako gune batean kokatuta baitago.

Sare ofizialeko behatoki guztiek zerbitzu komun zenbait dituzte, hala nola aparkaleku erreserbatuak, informazio-puntuak, komunak, jatetxe-eskaintza, ur edangarria eta mediku-zerbitzua edo anbulantzia. Gainera, segurtasuneko elementu gisa, elkarguneak eta aterpeak zehaztu dira. Halaber, behatoki bakoitzak kultur eta zientzia-dibulgazioko jarduerak eskain ditzake, hain egun seinalaturako eskaintza osatzeko. 

Castejóngo kirol-instalazioetan kokatuko da behatokia, El Romeral multzoaren barnean. Aparkaleku erreserbatua goizeko 10:00etatik aurrera egonen da zabalik, eta udalerriko jarduera turistikoak eskainiko dira (kontsultatu udal-webgunea, ordutegiak eta tarifak ezagutzeko).

Behatokitik igerilekuetan sartzen ahalko da, ohiko tarifen arabera. Inguruan badira gerizpeak, tailer- eta jolas-gunea eta jantoki gisa gaitutako eremua, eta 17:00etatik aurrera eginen dira jarduerak. Eklipsearen ondoren, gunea erabili ahal izanen da zerua eta Pertseidak behatzeko.

Honako hau behatoki irisgarria da; izan ere, irisgarritasuneko gutxieneko baldintzak betetzen ditu, eta pertsona guztiek seguru eta era autonomoan baliatu ahal izatea bermatuta dago. Guneak hainbat zerbitzu eskaintzen ditu, besteak beste, aparkaleku erreserbatuak, eskailera-mailarik gabeko ibilbideak eta zabalera nahikoa dutenak, zoladura egonkorrak eta irristagaitzak, malda egokiak, komun irisgarriko gune egokituak eta mugikortasun murriztuko pertsonentzat erreserbatutako lekuak.

Castejónen, gainera, arreta-langile kualifikatuak daude. Igerilekuen eremuan sartuz gero, igogailuak erabiltzen ahal dira.